నాబాధ్యతలు, కుటుంబనేపధ్యం, ఒకంతట ఎక్కడికీ కదిలివెళ్ళే తత్త్వం నాలో లేనందున, గురువుని ఆశ్రయించడం, సత్సంగాలకు వెళ్ళడం నాకు కుదరనివి. అందుకే రామాంజనేయుల్నే శరణువేడాను.
మాతా రామో మత్పితా రామచంద్రః
స్వామీ రామో మత్సఖా రామచంద్రః
సర్వస్వం మే రామచంద్రో దయాళు:
ర్నాన్యం జానే నైవ జానే న జానే
రాముడు నా తల్లి. రామచంద్రుడు నా తండ్రి. రాముడు నా ప్రభువు. రామచంద్రుడే నా సఖుడు. దయామయుడైన రామచంద్రుడే నా సర్వస్వం. అతనిని వినా నేను మరెవరిని ఎంతమాత్రమూ ఎరుగను.
మనోజవం మారుతతుల్య వేగమ్
జితేంద్రియం బుద్ధిమతాం వరిష్టమ్
వాతాత్మజం వానర యూధముఖ్యమ్
శ్రీ రామదూతం శరణం ప్రపద్యే
మనస్సమానగతితో వాయుసదృశవేగంతో పరమజితేంద్రియుడై శ్రీమంతులలో శ్రేష్టుడైన పవననందనుడు, వానరాగ్రగణ్యుడు అయిన శ్రీ రామదూతను నేను శరణు వేడుచున్నాను.
ఇక అప్పటినుండి ఆధ్యాత్మికపరమైన ఏ పుస్తకం లభ్యమైన ఆ పుస్తకం రామానుగ్రహం అని త్రికరణశుద్ధిగా భావించడం, గురు
నా జీవనగమనంలో ఎన్నో ఎనెన్నో సందేహాలు... అవన్నీ రామునికి విన్నవించుకోవడం... కొద్దిరోజుల్లోనే నాదరి చేరిన పుస్తకాల్లో ఆ నా సందేహాలకు సమాధానాలు దొరకడం... ఇది ఓ అనిర్వచనీయమైన రామానుగ్రహం. ఆ పుస్తకాలను నాకు అందజేసిన, అందజేస్తున్న మావారు మరియు నా మిత్రులే నా సత్సంగీయులు.
ఈ నా ఆధ్యాత్మికపయనంలో పుస్తకరూపేణా వచ్చి నన్ను అనుగ్రహించిన గురువులు - శ్రీ రమణమహర్షి, శ్రీ మలయాళ స్వామి, బుద్ధుడు, రామకృష్ణపరమహంస, జిడ్డు కృష్ణమూర్తి, వివేకానందులు, పరమహంస యోగానంద, యోగి వేమన, స్వామీ రామతీర్ధ ... మొదలగువారు.
మనిషన్నాక కష్టసుఖాలు ఉంటాయని అందరికీ తెలుసు. కానీ, ఆయా కష్టసుఖాలను మనిషి స్వీకరించే విధానంలోనే ఒకొకరిది ఒకో పద్ధతి. కానీ; ఆ 'స్వీకరణ' లో 'పరిణతి'ని తీసుకువచ్చేదే "ఆధ్యాత్మిక చింతన". ప్రశాంతజీవానానికి ఆలంబన "ఆధ్యాత్మిక చింతన". మలినమైన శిలపైన జలం ప్రవహిస్తూ క్రమంగా దాని మురికిని ఎలా వదిలించి, మెరుపునిస్తుందో, అలానే "ఆధ్యాత్మిక చింతన" అనే గంగాజలం ఒక్కటే హృదయాన్ని ప్రక్షాళన చేసి, శుద్ధతను ప్రకాశాన్ని ప్రసాదిస్తుంది.
ఏ ప్రారబ్ధం లేనిదే జన్మరాదంటారు మహర్షులు. జన్మంటూ ఎత్తాక సుఖదుఃఖాలు అనివార్యం. కాలం కష్టాల్ని ఇస్తుంది, సుఖాలనీ ఇస్తుంది. అలాగని అదేపనిగా కష్టాలనే ఇవ్వదు, తట్టుకోలేం కాబట్టి! అలాగే అదేపనిగా సుఖాన్నీ ఇవ్వదు, పట్టుకోలేం కాబట్టి! కాలపరిభ్రమణంలో ఇవన్నీ సహజం. చిన్నప్పటినుండి పుస్తకపఠనం, తాతగారి విశ్లేషణలు వలన ఇవన్నీ సహజమన్న విషయం అర్ధమైనప్పటికినీ, చింతలలో చింతన కోల్పోయేదానిని, తెలుసుకున్న ధర్మాలను, కర్మసిద్ధాంతాలను మరిచిపోయి దుఃఖవశురాలిని అయ్యేదానిని. చదివిన, విన్న శాస్త్రవచనాలన్నీ మనోమాయ మరుగున పడిపోయేవి. అయితే, కాలక్రమేణా ఆధ్యాత్మిక చింతన ఒకింత అలవడడంతో కొలది సమయంలోనే ఆ స్థితిలో నుండి లోలోన విచారణ జరిగి రియలైజ్ కావడం జరుగుతుంది.
అప్పటిలా ఇప్పుడూ, అప్పుడప్పుడు కష్టాలూ, మనఃక్లేశాలు కల్గుతున్నప్పటికీ, అవి (వాటివలన కలిగిడి బాధ) అంతే హఠాత్తుగా అదృశ్యమయ్యేవి - ఓ స్పురణ తో! ఆ స్పురణకు ప్రేరణ మహాత్ముల మాటలే. అలా స్పురణ లోనికి వచ్చి ఎప్పటికప్పుడు, ఎక్కడికక్కడ నా సందేహాలు తీర్చి, ప్రశాంత జీవనాన్ని నాకు అలవర్చిన మహాత్ములందరికీ ప్రణమిల్లుతూ .....
ఏయే మహాత్ముల వలన నా సందేహాలు ఎలా తీరాయో ... ఒకొకటిగా స్మరణలో స్మరించుకోవాలనిపించి, 'నా జీవన గమనంలో ..... ' అన్న శీర్షికను ప్రారంభిస్తున్నాను.
తదుపరి టపాలో నా జీవనగమనంలో ... 'శ్రీ రమణమహర్షి' వారి గురించి ప్రస్తావిస్తాను.
భారతి గారు, తప్పకుండా రాయండి.
రిప్లయితొలగించండిచదివి నా సందేహాలు కూడా తీర్చుకోటానికి ప్రయత్నిస్తాను.
మంచి ప్రయత్నం చేస్తున్నారు. అభినందనలు. రామానుగ్రహంతో చక్కగా వ్రాయగలరు.
రిప్లయితొలగించండిమార్గేమార్గే శాఖినాం రర్నవేదీ
వేద్యాంవేద్యాం కిన్నరీ బృందగీతమ్
గీతేగీతే మంజులాలాపగోష్ఠీ
గోష్ఠ్యాంగోష్ఠ్యాం త్వత్కథా రామచంద్ర.
( శ్రీశంకరులవారి శ్రీరామకర్ణామృతం నుండి)
భారతి గారు, ఎంతో చక్కటి విషయాన్ని తెలియజేసారు.
రిప్లయితొలగించండిమీకు ధన్యవాదములండి.
now, you are ...... continue ......congratulations ......
రిప్లయితొలగించండిజలతారువెన్నెల గారు!
రిప్లయితొలగించండిఅన్నీ కాకపోయినా, కొన్నయినా వ్రాయాలని ఉంది.
మీ స్పందనకు ధన్యవాదాలు.
మీ లేడీ బాస్ మూడు భాగాలు చదివాను. సస్పెన్స్ కు తెర తీయగా రాదా...
శ్యామలీయం గారు!
రిప్లయితొలగించండిమీ స్పందన చాలా ఆనందాన్నిచ్చింది. మీ అభినందనలు రామానుగ్రహం.
ధన్యవాదాలు సర్.
అనూరాధ గారు!
రిప్లయితొలగించండిమీ స్పందనకు ధన్యవాదములండి.
రుక్మిణి గారు!
రిప్లయితొలగించండిమీకు నా ధన్యవాదములు.
మీ హృదయానుభూతిని తప్పని సరిగా ఆవిష్కరించండి భారతి గారు మనసే మందిరం అనుకుంటూ ఆధ్యాత్మిక చింతనతో మీ జీవన శైలి ఎంత నిర్మలం గా సాగుతుందో తెలుసుకోవాలని చాలా చాలా ఆసక్తిగా ఉంది తప్పకుండా చదువుతాను మీరు ఉదహరించిన ఈ ఒక్క వాక్యం చాలు భగవతారాధన ఎంత అవసరమో చెప్పేందుకు . మనసారా ధన్యవాదములు
రిప్లయితొలగించండినాకు బాగా నచ్చిన ఈ వాక్యములకు నమో నమః
"మలినమైన శిలపైన జలం ప్రవహిస్తూ క్రమంగా దాని మురికిని ఎలా వదిలించి, మెరుపునిస్తుందో, అలానే "ఆధ్యాత్మిక చింతన" అనే గంగాజలం ఒక్కటే హృదయాన్ని ప్రక్షాళన చేసి, శుద్ధతను ప్రకాశాన్ని ప్రసాదిస్తుంది." _/\_
వనజ గారు!
రిప్లయితొలగించండిమీ అమూల్య స్పందనలతో నన్ను ప్రతీసారి ప్రోత్సహించడం ... ఆనందంతోపాటు నూతన శక్తిని యిస్తుందండి.
ఎదుటివారిని ప్రోత్సహపరుస్తూ, ఉత్సాహాన్ని కల్గించే మీ సద్గుణంకు ... నమో నమః
మీకు నా హృదయపూర్వక ధన్యవాదములు!
భారతి గారు,
రిప్లయితొలగించండిబాగా చెప్పారు.
-వంశీ కృష్ణ
వంశీ కృష్ణ గారు!
రిప్లయితొలగించండిమీ స్పందనకు ధన్యవాదములండి.